ৰিখটাৰ স্কেলত ক্ৰমে ৭.১ আৰু ৭.৫ মাত্ৰাৰ দুটা তীব্ৰ ভূকম্পনৰ ফলত ভেনিজুৱেলাৰ ৰাজধানী কাৰাকাছসহ দেশখনৰ কেইবাখনো চহৰ গুৰুতৰভাৱে ক্ষতিগ্ৰস্ত হৈছে৷ মাত্ৰ ৪০ চেকেণ্ডৰ ব্যৱধানত অহা এই দুটা ধ্বংসাত্মক ভূমিকম্পৰ বাবে ভেনিজুৱেলাৰ কাৰ্যবাহী ৰাষ্ট্ৰপতি দেলচি ৰদ্ৰিগুৱেজে সমগ্ৰ দেশতে জৰুৰীকালীন অৱস্থা ঘোষণা কৰিছে৷ #VenezuelaEarthquake
লেটিন আমেৰিকাৰ দেশ ভেনিজুৱেলাত ভয়ঙ্কৰ ভূমিকম্প ৷ ৰিখটাৰ স্কেলত ক্ৰমে ৭.১ আৰু ৭.৫ মাত্ৰাৰ দুটা তীব্ৰ ভূকম্পনৰ ফলত ৰাজধানী কাৰাকাছসহ দেশখনৰ কেইবাখনো চহৰ গুৰুতৰভাৱে ক্ষতিগ্ৰস্ত হৈছে৷ মাত্ৰ ৪০ চেকেণ্ডৰ ব্যৱধানত অহা এই দুটা ধ্বংসাত্মক ভূমিকম্পৰ বাবে ভেনিজুৱেলাৰ কাৰ্যবাহী ৰাষ্ট্ৰপতি দেলচি ৰদ্ৰিগুৱেজে সমগ্ৰ দেশতে জৰুৰীকালীন অৱস্থা ঘোষণা কৰিছে৷
ভূমিকম্পৰ মূল কেন্দ্ৰবিন্দু কেৰিবিয়ান উপকূলৰ মৰণ (Moron) নামৰ অঞ্চলটোৰ ওচৰত আছিল বুলি আমেৰিকাৰ ভূতাত্ত্বিক জৰীপে প্ৰকাশ কৰিছে৷
ৰাজধানী চহৰ কাৰাকাছৰ আলতামিৰা আৰু পালোচ গ্ৰাণ্ডেচ আদি অঞ্চলত বহুকেইটা বহুতলীয়া আৱাসিক আৰু বাণিজ্যিক ভৱন খহি পৰিছে৷ একাংশ অট্টালিকাৰ তলৰ মাটি বহি যোৱাৰ বাবে খহি পৰাৰ আশংকাত মানুহক ভিতৰলৈ যাবলৈ নিষেধ কৰা হৈছে৷
ভূমিকম্পৰ কেন্দ্ৰবিন্দুৰ নিচেই ওচৰত থকা উপকূলীয় চহৰ মৰণত আন্তঃগাঁথনিৰ বিস্তৰ ক্ষতিসাধন হৈছে৷
কাতিয়া-লা-মাৰ নামৰ আন এখন গুৰুত্বপূৰ্ণ উপকূলীয় চহৰতো কেইবাটাও গুৰুত্বপূৰ্ণ ভৱন আৰু ৰাস্তা-ঘাট ক্ষতিগ্ৰস্ত হৈছে৷
আন্তঃগাঁথনি ধ্বংস হোৱা চহৰসমূহৰ বিদ্যুৎ সৰবৰাহ সম্পূৰ্ণৰূপে ব্যাহত হৈ পৰিছে ৷ টেলিফোন আৰু ম'বাইল নেটৱৰ্ক বিকল হৈ পৰিছে আৰু বহু ঠাইত বিজুলী খুঁটা উভালি পৰিছে৷
ধ্বংসস্তূপৰ তলত বহু লোক আৱদ্ধ হৈ থকাৰ খবৰ পোৱা গৈছে আৰু সাহায্য কৰ্মীসকলে যুদ্ধকালীন তৎপৰতাৰে উদ্ধাৰ অভিযান চলাই আছে৷ ভূমিকম্পৰ পাছত আহিব পৰা জোকাৰণিৰ ভয়ত হাজাৰ হাজাৰ সন্ত্ৰস্ত লোকে নিজৰ ঘৰ-দুৱাৰ এৰি মুকলি আকাশৰ তলত আশ্ৰয় লৈছে৷
আমেৰিকাসহ বিভিন্ন দেশে এই দুৰ্যোগৰ সময়ত ভেনিজুৱেলাৰ কাষত থিয় দিছে আৰু উদ্ধাৰ কাৰ্যত সহায় কৰাৰ প্ৰতিশ্ৰুতি দিছে৷
প্ৰথম অৱস্থাত ওচৰৰ দ্বীপপুঞ্জসমূহৰ বাবে চুনামিৰ সতৰ্কতা জাৰি কৰা হৈছিল যদিও পৰৱৰ্তী সময়ত কোনো ডাঙৰ বিপদ নথকাৰ বাবে তাক প্ৰত্যাহাৰ কৰা হয়৷
The Guwahati Municipal Corporation (GMC) on Monday (July 6) issued a public notice introducing a schedule of spot fines for various sanitation-related offences across the city, with penalties ranging from Rs 300 to Rs 25,000.
ব্ৰাজিলৰ ছাম্বা ফুটবলৰ যাদুকৰ নেইমাৰ জুনিয়ৰে আন্তঃৰাষ্ট্ৰীয় ফুটবলৰ পৰা বিদায় মাগিলে। ব্ৰাজিলক পৰাস্ত কৰি নৰৱেৰ গ’ল মেচিন আৰ্লিং হালাণ্ডে এক নতুন মহাতাৰকা হিচাপে নিজকে প্ৰতিষ্ঠা কৰিছে।
Ruling and Opposition parties are already gearing up for the upcoming Nagaon Lok Sabha by-elections. The Congress is ready to defend its fort. নগাঁৱৰ ৰাজনৈতিক আকাশ এতিয়া উত্তপ্ত ৷ সমাগত নগাওঁ লোকসভা সমষ্টিৰ উপ-নিৰ্বাচনক কেন্দ্ৰ কৰি শাসক-বিৰোধী দুয়ো পক্ষই এতিয়াৰে পৰা কঁকালত টঙালি বান্ধিছে। বিশেষকৈ নগাওঁ আসনখন পুনৰ উদ্ধাৰ কৰিবলৈ গেৰুৱা শিবিৰে ব্যাপক প্ৰস্তুতি চলোৱাৰ বিপৰীতে নিজৰ গড় ৰক্ষা কৰিবলৈ
