নেপালৰ বানৰ মহা প্ৰলয়ে লগত নমাই আনিছিল ক'লা ক'লা শিলাখণ্ড। কি এই শিলাখণ্ড বা শালগ্ৰাম?
নেপালৰ বানৰ মহা প্ৰলয়ে লগত নমাই আনিছিল ক'লা ক'লা শিলাখণ্ড। কি এই শিলাখণ্ড বা শালগ্ৰাম?কিয় মানুহে তাৰ পূজা আৰম্ভ কৰিছে? তাৰো আছে এক ইতিহাস।
প্ৰাইম অসম (গুৱাহাটী): ভাৰতীয় বায়ুসেনাৰ আকাশী শক্তি বৃদ্ধিৰ দিশত আজি এক ঐতিহাসিক পদক্ষেপ গ্ৰহণ কৰা হ’ল। প্ৰতিৰক্ষা মন্ত্ৰী ৰাজনাথ সিঙৰ অধ্যক্ষতাত বহা Defence Acquisition Council (DAC) ৰ গুৰুত্বপূৰ্ণ বৈঠকত ১১৪ খন অত্যাধুনিক ৰাফেল (Rafale) যুঁজাৰু বিমান ক্ৰয়ৰ প্ৰস্তাৱত আনুষ্ঠানিকভাৱে সেউজ সংকেত দিয়া হৈছে।
কেৱল ৰাফেলেই নহয়, ইয়াৰ লগতে নৌসেনাৰ শক্তি বৃদ্ধিৰ বাবে ৬ খন শক্তিশালী P8i নিৰীক্ষণকাৰী বিমান ক্ৰয়ৰ ক্ষেত্ৰতো অনুমোদন জনোৱা হৈছে।
৩.২৫ লাখ কোটি টকাৰ বৃহৎ চুক্তি
প্ৰায় ৩.২৫ লাখ কোটি টকা ব্যয় সাপেক্ষে সম্পন্ন হ’বলগীয়া এই চুক্তিখন ভাৰতীয় প্ৰতিৰক্ষা ইতিহাসৰ আটাইতকৈ ডাঙৰ চুক্তিসমূহৰ ভিতৰত অন্যতম। ফ্ৰান্সৰ ৰাষ্ট্ৰপতি ইমানুৱেল মেক্ৰনৰ আগন্তুক ভাৰত ভ্ৰমণৰ ঠিক আগে আগে এই Acceptance of Necessity (AoN) অনুমোদন জনোৱাটোৱে বিশেষ তাৎপৰ্য বহন কৰিছে।
কিয় প্ৰয়োজন হৈছে এই বিমানসমূহৰ?
স্কোৱাড্ৰনৰ ঘাটি পূৰণ: বৰ্তমান ভাৰতীয় বায়ুসেনাৰ হাতত ২৯ টা ফাইটাৰ স্কোৱাড্ৰন আছে, কিন্তু দেশৰ আকাশসীমা সুৰক্ষিত কৰিবলৈ অন্ততঃ ৪২ টা স্কোৱাড্ৰনৰ প্ৰয়োজন। এই ১১৪ খন বিমানে সেই বিশাল ঘাটি বহু পৰিমাণে পূৰণ কৰিব।
সীমান্তত চীন-পাক প্ৰত্যাহ্বান: এল অ’ চি (LoC) আৰু এল এ চি (LAC) ত বৃদ্ধি পোৱা সামৰিক উত্তেজনাৰ প্ৰতি লক্ষ্য ৰাখি বায়ুসেনাই দীৰ্ঘদিন ধৰি এই শক্তিশালী বিমানসমূহ বিচাৰি আছিল।
ডছাল্ট এভিয়েচনৰ সৈতে আলোচনা: DAC-ৰ এই সেউজ সংকেতৰ পাছত এতিয়া ফ্ৰান্সৰ কোম্পানী ডছাল্ট এভিয়েচন (Dassault Aviation) ৰ সৈতে ভাৰত চৰকাৰৰ মূল্য নিৰ্ধাৰণ আৰু আনুষংগিক আলোচনাৰ পথ প্ৰশস্ত হ’ল।
নৌসেনাৰ বাবে P8i বিমানৰ গুৰুত্ব
বায়ুসেনাৰ সমান্তৰালকৈ ভাৰতীয় নৌসেনায়ো এই অনুমোদনেৰে লাভান্বিত হ’ব। ৬ খন নতুন P8i বিমান ক্ৰয়ৰ ফলত ভাৰত মহাসাগৰত চীনৰ চোৰাংচোৱাগিৰিৰ ওপৰত অধিক তীক্ষ্ণ নজৰ ৰখা আৰু চাবমেৰিন ধ্বংস কৰাৰ ক্ষমতা বৃদ্ধি পাব।
প্ৰতিৰক্ষা সচিবৰ নেতৃত্বত চলি থকা দীৰ্ঘদিনীয়া প্ৰক্ৰিয়াটোৱে আজি চূড়ান্ত অনুমোদন লাভ কৰাৰ পাছত দেশৰ সামৰিক ক্ষমতা এক নতুন উচ্চতালৈ যাব বুলি আশা কৰা হৈছে।
