ডিজিটেল ডেস্ক, ২২ জুন, গুৱাহাটী: অসমৰ ক্ৰিকেট ইতিহাসত সংযোজিত হ’ল এক নতুন সোনালী অধ্যায়। অসম ক্ৰিকেট সন্থা (ACA)ৰ উদ্যোগত ৰাজ্যখনত প্ৰথমবাৰৰ বাবে আনুষ্ঠানিকভাৱে মুকলি কৰা হৈছে বহু প্ৰত্যাশিত ফ্ৰেঞ্চাইজিভিত্তিক টি-২০ ক্ৰিকেট (T-20 Cricket) প্ৰতিযোগিতা "অসম প্ৰিমিয়াৰ লীগ" (APL)।
গুৱাহাটীৰ বৰ্ষাপাৰাস্থিত ACA ষ্টেডিয়ামৰ ‘91 য়াৰ্ডছ ক্লাব প্ৰেক্ষাগৃহ’ত আয়োজিত এক ভব্য অনুষ্ঠানত মুখ্যমন্ত্ৰী ড° হিমন্ত বিশ্ব শৰ্মাই এই ঐতিহাসিক লীগৰ ল’গ’ আৰু ট্ৰফী আনুষ্ঠানিকভাৱে মুকলি কৰে।
অসমৰ বিভিন্ন প্ৰান্তক প্ৰতিনিধিত্ব কৰি এই টুৰ্নামেণ্টত মুঠ ৮টা ফ্ৰেঞ্চাইজি দলে খিতাপৰ বাবে যুঁজ দিব। দলসমূহ হৈছে:
* গুৱাহাটী ৰয়েলছ (Guwahati Royals)
* যোৰহাট ষ্টেলিয়নছ (Jorhat Stallions)
* তেজপুৰ টাইটানছ (Tezpur Titans)
* ডিব্ৰুগড় ৱাৰিয়ৰ্ছ (Dibrugarh Warriors)
* নগাঁও ৰেঞ্জাৰ (Nagaon Rangers)
* বৰপেটা ব্ৰেভছ (Barpeta Braves)
* চৰাইদেউ ছানৰাইজাৰ্ছ (Charaideo Sunrisers)
* বৰাক লিজেণ্ডছ (Barak Legends)
### বৰ্ষাপাৰাত বহিব ক্ৰিকেট তাৰকাৰ মেলা, ৪ হাজাৰ খেলুৱৈৰ পঞ্জীয়ন :
প্ৰতিযোগিতাৰ আটাইকেইখন মেচ গুৱাহাটীৰ বৰ্ষাপাৰা ক্ৰিকেট ষ্টেডিয়ামত অনুষ্ঠিত হ’ব। লীগ পৰ্যায়ৰ পৰা ফাইনেললৈকে ইয়াত মুঠ ৩৩ খন খেল অনুষ্ঠিত হ’ব। ১ আগষ্টৰ পৰা আৰম্ভ হ’ব Assam Premier League (APL) .উল্লেখযোগ্য যে, এই লীগত অংশগ্ৰহণৰ বাবে ৰাজ্যৰ প্ৰায় ৪ হাজাৰ উদীয়মান খেলুৱৈয়ে পঞ্জীয়ন কৰিছিল ৷ জুলাই মাহত খেলুৱৈৰ নিলাম প্ৰক্ৰিয়া সম্পন্ন হ’ব ৷
### APL দেশজুৰি লাইভ ষ্ট্ৰীমিং (Live Streaming):
ষ্টাৰ স্পোর্টছ (Star Sports) আৰু জিঅ’ হট্ষ্টাৰত (Jio hotstar) :
কেৱল অসমতে নহয়, সমগ্ৰ দেশবাসীয়ে উপভোগ কৰিব পাৰিব এ পি এলৰ ৰোমাঞ্চ। ক্ৰিকেটপ্ৰেমীসকলৰ বাবে সুখবৰ যে, এ পি এলৰ আটাইকেইখন মেচ টিভিৰ জৰিয়তে ষ্টাৰ স্প’ৰ্টছ (Star Sports) চেনেলত পোনপটীয়া সম্প্ৰচাৰ কৰা হ’ব। ইয়াৰ উপৰিও ডিজিটেল প্লেটফৰ্ম জিয়’ হটষ্টাৰ (JioHotstar)-ত খেলসমূহ লাইভ ষ্ট্ৰীমিং কৰা হ'ব।
APL ৰ লক্ষ্য আৰু উদ্দেশ্য :-
>> এই লীগৰ মূল উদ্দেশ্য হৈছে অসমৰ থলুৱা তথা স্থানীয় ক্ৰিকেট প্ৰতিভাসকলক এক পেছাদাৰী মঞ্চ প্ৰদান কৰা। ইয়াৰ জৰিয়তে ভৱিষ্যতে ভাৰতীয় ক্ৰিকেট দল (Team India) আৰু আই পি এল (IPL)-ৰ বাবে ৰাজ্যৰ পৰা মানসম্পন্ন খেলুৱৈ প্ৰস্তুত কৰাৰ লক্ষ্য হাতত লোৱা হৈছে। ভাৰতীয় ক্ৰিকেট নিয়ন্ত্ৰণ ব’ৰ্ড (BCCI)-ৰ সহযোগিতাত এই লীগে ৰাজ্যৰ ক্ৰীড়া আন্তঃগাঁথনিক আৰু অধিক সুদৃঢ় কৰিব বুলি আশা প্ৰকাশ কৰিছে ক্ৰীড়ানুৰাগীসকলে।
