আমেৰিকা-ইৰাণৰ চুক্তিৰ সুফল: হৰমুজ প্ৰণালী অতিক্ৰমি ভাৰত অভিমুখে ৰাওনা ৩০ খন মালবাহী জাহাজ (30 cargo ships cross the Strait of Hormuz to India). এতিয়াও ভাৰতমুখী ২৬ খন জাহাজ পাৰ্চিয়ান উপসাগৰত (Persian Gulf) সুৰক্ষিতভাৱে পাৰ হ’বলৈ অপেক্ষা কৰি আছে।
ডিজিটেল ডেস্ক, প্ৰাইম অসম, ২৬ জুন:
বিশ্ব বাণিজ্যৰ অন্যতম গুৰুত্বপূৰ্ণ তথা স্পৰ্শকাতৰ জলপথ হৰমুজ প্ৰণালী (Strait of Hormuz) অতিক্ৰম কৰি ভাৰতলৈ আহিবলগীয়া ৩০ খনকৈ মালবাহী জাহাজ এতিয়া সম্পূৰ্ণ সুৰক্ষিতভাৱে নিজৰ গন্তব্যস্থান অভিমুখে ৰাওনা হৈছে। আমেৰিকা যুক্তৰাষ্ট্ৰ আৰু ইৰাণৰ মাজত শেহতীয়াকৈ স্বাক্ষৰিত হোৱা এক ঐতিহাসিক বুজাবুজি চুক্তিৰ (MoU) পিছতে এই স্পৰ্শকাতৰ জলপথছোৱাত জাহাজ চলাচল স্বাভাৱিক হৈ পৰিছে, যাৰ ফলত দীৰ্ঘদিনীয়া অচলাৱস্থাৰ অন্ত পৰিছে।
ভাৰতমুখী এই ৩০ খন সুৰক্ষিত জাহাজৰ ভিতৰত ইন্ধন আৰু বাণিজ্যিক সামগ্ৰী কঢ়িওৱা জাহাজ আছে ৷ এলপিজি (LPG) আৰু এলএনজি (LNG) কঢ়িয়াই অনা ১৫ খন জাহাজ, বাল্ক কাৰ্গো (Bulk Cargo) জাহাজ ৮ খন আৰু খাৰুৱা তেল কঢ়িওৱা জাহাজ (Crude Oil Tankers) ৭ খন জাহাজ ইতিমধ্যে ভাৰত অভিমুখে যাত্ৰা আৰম্ভ কৰিছে ৷
প্ৰাপ্ত খবৰ অনুসৰি, এই প্ৰক্ৰিয়াটো পৰ্যায়ক্ৰমে সম্পন্ন হৈছে। প্ৰাৰম্ভিক পৰ্যায়ত ১৯ খন জাহাজে সফলতাৰে এই হৰমুজ প্ৰণালী পাৰ হৈছিল। পৰৱৰ্তী সময়ত আমেৰিকা আৰু ইৰাণৰ মাজত চুক্তি স্বাক্ষৰিত হোৱাৰ পিছত আৰু ১১ খন জাহাজে সুৰক্ষিতভাৱে নিজৰ যাত্ৰা আৰম্ভ কৰিবলৈ সক্ষম হয়।
অৱশ্যে, এতিয়াও ভাৰতমুখী ২৬ খন জাহাজ পাৰ্চিয়ান উপসাগৰত (Persian Gulf) সুৰক্ষিতভাৱে পাৰ হ’বলৈ অপেক্ষা কৰি আছে। পৰিস্থিতি স্বাভাৱিক হোৱালৈ চাই এই জাহাজসমূহো অতি সোনকালে নিজ নিজ গন্তব্যস্থানলৈ ৰাওনা হ'ব বুলি আশা কৰা হৈছে।
ভাৰতৰ শক্তি সুৰক্ষা আৰু অৰ্থনীতিৰ বাবে হৰমুজ প্ৰণালীৰ জলপথ অত্যন্ত গুৰুত্বপূৰ্ণ।
আমেৰিকা আৰু ইৰাণৰ মাজৰ এই কূটনৈতিক বুজাবুজিৰ ফলত কেৱল গোলকীয় বাণিজ্যই সকাহ পোৱাই নহয়, বৰঞ্চ ভাৰতৰ দৰে বৃহৎ অৰ্থনীতিৰ দেশ এখনৰ শক্তি সংকটৰ আশংকাও বহুখিনি দূৰ হ’ল ৷
The Guwahati Municipal Corporation (GMC) on Monday (July 6) issued a public notice introducing a schedule of spot fines for various sanitation-related offences across the city, with penalties ranging from Rs 300 to Rs 25,000.
ব্ৰাজিলৰ ছাম্বা ফুটবলৰ যাদুকৰ নেইমাৰ জুনিয়ৰে আন্তঃৰাষ্ট্ৰীয় ফুটবলৰ পৰা বিদায় মাগিলে। ব্ৰাজিলক পৰাস্ত কৰি নৰৱেৰ গ’ল মেচিন আৰ্লিং হালাণ্ডে এক নতুন মহাতাৰকা হিচাপে নিজকে প্ৰতিষ্ঠা কৰিছে।
Ruling and Opposition parties are already gearing up for the upcoming Nagaon Lok Sabha by-elections. The Congress is ready to defend its fort. নগাঁৱৰ ৰাজনৈতিক আকাশ এতিয়া উত্তপ্ত ৷ সমাগত নগাওঁ লোকসভা সমষ্টিৰ উপ-নিৰ্বাচনক কেন্দ্ৰ কৰি শাসক-বিৰোধী দুয়ো পক্ষই এতিয়াৰে পৰা কঁকালত টঙালি বান্ধিছে। বিশেষকৈ নগাওঁ আসনখন পুনৰ উদ্ধাৰ কৰিবলৈ গেৰুৱা শিবিৰে ব্যাপক প্ৰস্তুতি চলোৱাৰ বিপৰীতে নিজৰ গড় ৰক্ষা কৰিবলৈ
